Tonga soa
Ny FJKM Montrouge Vaovao dia faly miarahaba anao mitsidika ity tranokala fijoroana ho vavolombelon'i Jesoa Kristy ity ary mirary ny fitahian'ny Tompo aminao sy ny ankohonanao.
Ny fanompoam-pivavahana eto amin'ny FJKM Montrouge Vaovao dia isaky ny alahady amin'ny 17h15 eny na mandritra izao fotoam-pialantsasatry ny mpianatra izao aza, ary mahafaly indrindra ny manasa sy ny mandray anao hiara-hiombom-piderana sy hanome voninahitra an'Andriamanitra noho ny Fitiavany tsy mety levona. Misy ny Fandraisana ny Fanasan'ny Tompo rehefa alahady voalohany sy fahatelon'ny volana.
Ny toerana dia ao amin'ny :
Eglise Luthérienne de la Trinité
174 boulevard Vincent Auriol
Paris 13e
Métro : Place d'Italie
Ho aminao mandrakariva anie ny Fiadanan'ny Tsitoha.
Fotoam-pivavahana Pentekosta
Fotoam-pivavahana Pentekosta
FJKM Montrouge Vaovao
Toera: Eglise de la Résurrection 6 rue Quinault 75015 PARIS
Metro 6: Cambronne na
Metro 8: commerce na
Metro 10: avenue emile Zola
Manomboka amin'ny 18h ny fotoana.
FANASANA SAMPANA DORKASY
“Raha fatra-paniry ny zava-panahy dia izay hampandroso ny fiangonana no tadìavo indrindra” (1Kor 14/12)
SYNODAMPARITANY VFA 37
FJKM MONTROUGE VAOVAO
SAMPANA DORKASY
Dia faly manasa anao hanatrika ny
Soirée Evangélique omanin'ny Sekoly Fanomanana Laika SP VFA-37
"Préparer le chemin du Seigneur" Jean3:3b
VOIX - VOIE - VOIT
Ho Fanomanana ny Famoahana ny Andihany Voalohany "Mpitoriteny sy Mpiandry" eto amin'ny SP VFA-37
Dia manentana sy miantso anao hanao tanana miara mandray sy tongotra miara mamindra
hanohana, hanotrona, handray anjara amin'ny
Soirée Evangélique hirahana amin'ireto Mpanakanto ireto:
Nanie
Voahirana
Vonjy
Seven-T
Groupe Mpanarato
ny Sabotsy 28 avril 2012 amin'ny 18h
eny amin'ny Salle Polyvalente -1- rue de Tigery 77127 Lieusaint
Ny Foto-pinoana FJKM
1. Ny foto-pinoana no mampiavaka ny fivavahana kristiana amin’ny fivavahana hafa.Jesoa Kristy, Izay Andriamanitra tonga nofo araka ny fanambaran’ny Soratra Masina no inoan’ny Kristiana ho zanak’Andriamanitra sy Mpamonjy. Tsy finoana notefena na noforonina ny FINOANA KRISTIANA fa finoana teraka avy amin’ny fandrenesana sy fanambaran’ny Soratra Masina ho Filazana ny famonjen’i Jesoa Kristy .
2. Ny Foto-pinoana ao amin’ny « isam-piangonana » no mampiavaka azy amin’ny hafa, nefa koa iorenan’ny fifandraisany amin’ny hafa. Ny fivavahana kristiana dia IRAY IHANY na TOKANA, fa ny fototry ny fampianarany izay ampiorenany ny finoany ka atao hoe FOTO-PINOANA no misy hoe « foto-pinoana katolika romana » na « foto-pinoana katolika ortodoksa » na « foto-pinoana anglikana » na « foto-pinoana protestanta », sns . . .
Fisoratana anarana ho isan'ny Fiangonana
RY KRISTIANA HAVANA MPIARA-MIVAVAKA O !
AOKA IANAO HISORATRA HO ISAM-BAHOAKAN’NY FIANGONANA .
Ny Fiangonana dia fiombonana ,na fitambaran’ireo olona nandre sy nanaiky ny ANTSON’Andriamanitra (filazantsara,na Toriteny sy Fampianarana),ka resilahatra sy nanapa-kevitra hiroso,hikambana ho « entité » iray « mihaino ny feon’i Jesoa Kristy,ary tonga andiany iray »(Jao 10/16).Tsy olona te-hitambatambatra fotsiny anefa ,fa resilahatra sy manaiky ary manaraka fandaminana satria « Andriamanitra dia tsy Tompon’ny fikotranana (fikorontanana)fa tompon’ny fiadanana(filaminana ,fandriampahalemana) (1Kor 12/33).